الیکشن کامطالبہ مان لیا تو پھر یہ کہیں گے چیف الیکشن کمشنر کو ہٹاؤ، رانا ثنااللہ

اسلام آباد (92 نیوز) - وفاقی وزیر داخلہ رانا ثنااللہ کا کہنا ہے الیکشن کامطالبہ مان لیا تو پھر یہ کہیں گے چیف الیکشن کمشنر کو ہٹاؤ۔

رانا ثنااللہ نے نائنٹی ٹو نیوز سے خصوصی گفتگو میں کہا اس بندے کی کوئی گارنٹی نہیں ،ان کا کوئی جمہوری ایجنڈا نہیں، یہ ملک میں فساد پھیلانا چاہتا ہے۔ پی ٹی آئی نے سپریم کورٹ کے فیصلے کو ڈھال بنایا، دھوکا دیا، اب فیصلہ سپریم کورٹ کرے گی۔ عمران خان کے خیبرپختونخوا اور گلگت بلتستان کے سرکاری وسائل استعمال کرنے کے باوجود پانچ سے سات ہزار بندے تھے۔ چھ روز بعد چھ لاکھ بندے لے آئے تو اسکا مطالبہ مان لیں گے۔

وفاقی وزیراطلاعات مریم اورنگزیب بولیں ان کا دھرنا آئی ایم ایف کے ساتھ مذاکرات کو ناکام بنانا تھا۔ الیکشن موجودہ حکومت کی مرضی پر ہوں گے۔ عوام نے خونی مارچ اور انتشار کی سیاست مسترد کر دی۔ مسلح جتھے کے ساتھ کسی قسم کا کوئی معاہدہ نہیں ہوا۔