الحمرا آرٹ گیلری میں تصویری نمائش کا انعقاد
لاہور (92نیوز) لاہور آرٹس کونسل کے تعاون سے الحمرا آرٹ گیلری میں تصویری نمائش کا انعقاد کیا گیا۔ نمائش میں دو سو سے زائد پینٹنگز رکھی گئیں جن میں معاشرے کے مختلف پہلووں کو اجاگر کیا گیا۔
تفصیلات کے مطابق لاہور میں آرٹس کونسل کی جانب سے پانچ روزہ نمائش کا انعقاد کیا گیا جس میں روایتی خطاطی سمیت تصویری خطاطی، آئل پینٹنگ، واٹر کلر اور فوٹو گرافی کے فن پارے رکھے گئے۔
ڈائریکٹر لاہور آرٹس کونسل کیپٹن عطا محمد خان نے آرٹسٹوں کے کام کو سراہا۔ آرٹس کونسل کے طلباءو طالبات کا کہنا تھا کہ انہوں نے ہر تصویر میں معاشرے کے پہلووں کو اجاگر کیا ہے۔ طلبہ نے عزم کا اظہار کیا کہ موجودہ ملکی حالات میں ہمیں ہمت نہیں ہارنا چاہیے بلکہ خوشی اور بہادری سے مقابلہ کرنا چاہیے۔