احترام کے ساتھ چیف جسٹس کی آبزرویشن آئین سے متصادم ہے، فواد چودھری
اسلام آباد (92 نیوز) - پی ٹی آئی رہنماء فواد چودھری نے کہا کہ احترام کے ساتھ چیف جسٹس کی آبزرویشن آئین سے متصادم ہے۔
احترام کے ساتھ چیف جسٹس کی آبزرویشن آئین سے متصادم ہے پانچ سال اسمبلی کی مدت ہے تاآنکہ اس مدت سے پہلے توڑ دی جائے اور عوام اس اسمبلی کو نمائندہ نہیں سمجھتے الیکشن پر اخراجات سے کہیں زیادہ بڑی قیمت ہم سپریم کورٹ کے اس فیصلے کی دے رہے ہیں جس کے ذریعے انتخابات کو روکا گیا https://t.co/FvOseZuUaj
— Ch Fawad Hussain (@fawadchaudhry) September 22, 2022
جمعرات کے روز ٹویٹ پیغام میں انہوں نے لکھا کہ الیکشن پر اخراجات سے کہیں زیادہ بڑی قیمت اس فیصلے کی دے رہے ہیں جس کے ذریعے انتخابات کو روکا گیا، سپریم کورٹ کو اندازہ نہیں رجیم چینج آپریشن میں پاکستان کو اب تک پانچ ارب ڈالر کا نقصان ہوچکا ہے، عوام موجودہ اسمبلی کو اپنا نمائندہ نہیں سمجھتے۔
شہباز شریف-بلاول کی ملاقاتوں میں مسئلہ کشمیر پرایک لفظ نہیں ہے،پاکستانیوں کیلئے کشمیر انتہائ اہم مسئلہ ہے موجودہ حکومت جسطرح کشمیری عوام کے حقوق کو پس پشت ڈال رہی ہےاورمودی کی محبت میں پاگل ہورہی ہے یہ ناقابل قبول ہے نام نہاد حکومت پاکستان کےعشروں سے پالیسیوں پر سودابازی کررہی ہے
— Ch Fawad Hussain (@fawadchaudhry) September 22, 2022
شہباز شریف، بلاول بھٹو کی ملاقاتوں میں مسئلہ کشمیر پر ایک لفظ نہیں ہے، پاکستانیوں کیلئے کشمیر انتہائی اہم مسئلہ ہے، موجودہ حکومت جس طرح کشمیری عوام کے حقوق کو پس پشت ڈال رہی ہے اور مودی کی محبت میں پاگل ہورہی ہے یہ ناقابل قبول ہے۔ نام نہاد حکومت پاکستان کےعشروں سے پالیسیوں پر سودابازی کررہی ہے۔
پی ٹی آئی رہنما شیریں مزاری کا کہنا ہے عمران خان قوم کے لاڈلے ہیں، ہم نے کسی پر غداری کا مقدمہ نہیں کیا، تبدیلیاں کرنے کی ہماری اکثریت نہیں تھی، اب دو تہائی تو کیا مکمل سویپ کریں گے۔
سینیٹر فیصل جاوید بولے ملکی حالات بہت خراب ہیں، لوگ عمران خان کی کال کا نہیں، مس کال کا انتظار کر رہے ہیں۔
ادھر عمران خان کے ہفتے کو احتجاجی تحریک کے ممکنہ اعلان کے بعد اسلام آباد میں مزید کنٹینرز پہنچا دیئے گئے، ریڈزون کو گزشتہ روز ہی سیل کیا جاچکا۔
