افغان حکومت کی لڑکیوں کو پانچویں جماعت تک تعلیم جاری رکھنے کی اجازت
کابل (92 نیوز) - افغان حکومت نے لڑکیوں کو پانچویں جماعت تک تعلیم جاری رکھنے کی اجازت دے دی ہے۔
افغان میڈیا کے مطابق لڑکیوں کی تعلیم سے متعلق افغان وزارت تعلیم کا اعلامیہ جاری کردیا گیا۔ افغان وزارت تعلیم کے مطابق اسکول و تعلیمی مراکز میں لڑکیاں پانچویں جماعت تک تعلیم جاری رکھ سکتی ہیں۔
پانچویں جماعت تک لڑکیوں کےلیے اسکول و تعلیمی مراکز کھول دیئے جائیں۔ افغانستان کے کئی صوبوں میں مقامی حکام نے لڑکیوں کے پرائمری اسکول بھی بند کرا دیئے تھے۔