اے این ایف نے طورخم میں پاک افغان بارڈر پر ٹرک سے بھاری مقدار میں منشیات برآمد کرلی
راولپنڈی (92 نیوز) اینٹی نارکوٹکس فورس (اے این ایف) نے طورخم میں پاک افغان بارڈر پر ٹرک سے بھاری مقدار میں منشیات برآمد کرلی۔
اے این ایف کے مطابق اے این ایف انٹیلیجنس اور اے این ایف پشاور کی مشترکہ کارروائی کے دوران طورخم میں پاک افغان بارڈر پر ٹرک کے خفیہ خانوں میں چھپائی گئی 183 کلو چرس اور 24 کلو افیون برآمد کرلی گئی جسے پاکستان اسمگل کیا جارہا تھا۔
لنڈی کوتل کے رہائشی ملزم محمد نور کو گرفتار کرلیا گیا۔ مقدمہ درج کر کے مزید تحقیقات کا آغاز کر دیا گیا ہے۔