آئی ایم ایف اور عالمی بینک رپورٹس سے ظاہر ہے امپورٹڈ حکومت کو مستحکم معیشت ملی، عمران خان
اسلام آباد (92 نیوز) - تحریک انصاف کے چیئرمین عمران خان کہا کہ آئی ایم ایف اور عالمی بینک رپورٹس سے ظاہر ہے امپورٹڈ حکومت کو مستحکم معیشت ملی۔
ہم اپنے پیچھے کیا چھوڑ کر گئے اور تبدیلئ حکومت کی سازش کے ذریعے مسلط کی گئی امپورٹڈ سرکار نے کیسے معیشت کو تباہی کے گھاٹ اتار دیا! pic.twitter.com/p0bF34gUg6
— Imran Khan (@ImranKhanPTI) September 16, 2022
تحریک انصاف کے چیئرمین عمران خان نے پھر حکومت کو نشانے پر رکھ لیا، جمعہ کے روز اپنے ٹویٹ پیغام میں انہوں نے کہا کہ آئی ایم ایف اور عالمی بینک کی رپورٹس سے ظاہر ہے امپورٹڈ حکومت کو بلندی کی جانب گامزن مستحکم معیشت ملی، لیکن یہ اس کو تباہی کے گڑھے میں گرنے سے بچانے میں ناکام رہے۔
عمران خان کا پیغام میں کہنا تھا کہ اقتصادی سروے عکاس ہے کہ ہماری معاشی کارکردگی گزشتہ 70 برسوں میں بہترین تھی، مجرموں کے گروہ کا واحد کارنامہ ہے کہ پاکستان کے چوری کیے گئے اربوں روپے پر ایک اور این آر او حاصل کرلیا۔ ایک سوال پوری قوم کی زبان پر ہے کہ پاکستان کے خلاف مکروہ سازش کا ذمہ دار کون ہے۔