آصف زرداری الیکشن کیلئے تیار، شہباز شریف اور فضل الرحمن فراری ہیں، شیخ رشید کا دعویٰ

راولپنڈی (92 نیوز) - سربراہ عوامی مسلم لیگ شیخ رشید نے بھی عام انتخابات ایک ساتھ کرانے کا مطالبہ کردیا۔ 

اتوار کے روز اپنے ٹویٹر پیغام میں دعویٰ کیا کہ آصف زرداری الیکشن کیلئے تیار۔شہباز شریف اور مولانا فضل الرحمن انتخابات سے فراری ہیں۔

ہائیکورٹ سےمزیداہم فیصلے آئیں گےحکمران اقتدارکےمیخانوں میں مدہوش100جوتے بھی کھائیں گے100پیاز بھی اورالیکشن بھی کروائیں گےملک پرآسیب کےساۓبڑھ رہےہیں یہ نہ ہونظریہ ضرورت کاجن بوتل سےباہرآجائےاورسب ہاتھ ملتےرہ جائیں۔بلاول اورشہبازبےمقصد دورےکر رہے ہیں2بجےلاہورمیں پریس کانفرنس کرونگا

— Sheikh Rashid Ahmed (@ShkhRasheed) March 5, 2023

شیخ رشید نے مزید کہا کہ ملک پر آسیب کے سائے بڑھ رہے ہیں۔ پاکستان، مصر اور سری لنکا ایک لائن میں آگئے۔ یہ نہ ہو نظریہ ضرورت کاجن بوتل سے باہر آجائے اور سب ہاتھ ملتے رہ جائیں۔

عمران خان نےعام معافی اورسمجھوتےپرآمادگی کااہم بیان دیاہے۔72گھنٹوں میں قومی اسمبلی تحلیل کرکےصوبائی اسمبلی کےساتھ مل کرالیکشن کرایاجائے۔فضل الرحمان رشتہ دار گورنر کوقربانی کا بکرا بنانےجا رہا ہے۔اس کے پاس اگرسپریم کورٹ کاحکم نامہ کھولنےکاوقت نہیں ہےپھرآرٹیکل6بھی زیادہ دور نہیں ہے

— Sheikh Rashid Ahmed (@ShkhRasheed) March 5, 2023

سربراہ عوامی مسلم لیگ نے کہا کہ عمران خان نےعام معافی اور سمجھوتے پر آمادگی کا اہم بیان دیا ہے۔ 72 گھنٹوں میں قومی اسمبلی تحلیل کرکے صوبائی اسمبلی کے ساتھ مل کر الیکشن کرایا جائے۔