فرمان الہی

راولپنڈی (92 نیوز) - آرمی چیف جنرل عاصم منیر نے جہلم کے قریب ٹلہ فیلڈ فائرنگ رینجز کا دورہ کیا، جنگی مشقوں کا مشاہدہ کیا، سپہ سالار نے مسلح افواج کی ہم آہنگی کو سراہتے ہوئے جوانوں کے بلند حوصلے اور جنگی صلاحیتوں کی بھی تعریف کی۔

چیف آف آرمی اسٹاف جنرل سید عاصم منیر نے ٹلہ فیلڈ فائرنگ رینجز کا دورہ کیا، آرمی چیف نے فیلڈ فائرنگ اور جنگی مشقوں کا مشاہدہ کیا۔

آئی ایس پی آر کے مطابق مشق کا مقصد مشکل ماحول میں آپریشنل تیاریوں کو یقینی بنانا تھا، دورے کے دوران آرمی چیف کو مشق کے لیے طے شدہ تربیتی مقاصد بارے بریفنگ دی گئی، آرمی چیف نے مشقوں میں فضائیہ، آرمی ایوی ایشن اور زمینی دستوں کی ہم آہنگی کو سراہا۔

سپہ سالار نے فوجیوں کی جنگی مہارت اور جارحانہ جذبے کی تعریف بھی کی، جنرل سید عاصم منیر کی آمد پر کور کمانڈر چار کور لیفٹیننٹ جنرل سید عامر رضا نے استقبال کیا۔