92نیوز کی چوتھی سالگرہ پر مختلف شہروں میں تقریبات کا انعقاد
لاہور ( 92 نیوز ) 92 نیوز کی چوتھی سالگرہ پر مختلف شہرں میں تقریبات کا انعقاد کیا گیا جن میں معزز مہمانوں کیساتھ ساتھ لوگوں کی کثیر تعداد نے شرکت کی ۔
92 نیوز کی بے باک صحافت اور اعتماد کے چار سال مکمل ہونے پر مختلف شہروں میں سالگرہ کا کیک کاٹا گیا ، اوکاڑہ میں تحریک انصاف کے ایم پی اے سید صمصام علی شاہ بخاری اور سیکرٹری انفارمیشن پنجاب نے تقریب میں خصوصی شرکت کی ۔
میرپور آزاد کشمیر میں وزیر کھیل چودھری محمد سعید ، چیئرمین کشمیر کونسل یورپی یونین برسلز علی رضا سید نے تقریب میں شرکت کی
جب کہ ملکہ کوہسار مری میں پی سی بھوربن کے جی ایم نے کیک کاٹا، ان کا کہنا تھا کہ 92 نیوز نے کم عرصہ میں عوام میں بڑا مقام حاصل کیا۔
کشمور میں 92 نیوز کی چوتھی سالگرہ کے موقع پر 14 پاؤنڈ وزنی کیک کاٹا گیا جب کہ خیرپور میں پاکستان پیپلزپارٹی کی مرکزی انفارمیشن سیکرٹری نفیسہ شاہ نے کیک کاٹا۔
منڈی بہاؤ الدین اور نارووال میں 92 نیوز کی چوتھی سالگرہ دھوم دھام سے منائی گئی ، پتوکی میں صوبائی وزیر کمیونیکشن اینڈ ورکس سردار محمد آصف نکئی اور ایم این اے سردار محمد طالب نکئی نے کیک کاٹا۔
ڈیرہ غازی خان میں مشیر صحت پنجاب حنیف پتافی ، بہاولپور میں آر پی او اور ہالی لیجنڈ سمیع اللہ خان نے تقریب میں شرکت کی ۔
شجاع آباد میں سرائیکی خطے کے نامور شاعر شاکر شجاع آبادی نے کیک کاٹا، ساہیوال میں ایم این اے پیر عمران احمد شاہ ، وہاڑی میں ایم پی اے اعجاز سلطان بندیشہ نے کیک کاٹا۔
بھکر،راجن پور،پنڈی بھٹیاں،عارفوالا،رینالہ خور،علی پور چٹھہ ، بصیرپور ،نصیر آباد،راجن پورسمیت دیگر شہروں میں بھی سالگرہ کے کیک کاٹے گئے۔