9 جنوری سے کاؤنٹ ڈاون شروع اور اپریل میں ختم ہو جائے گا، شیخ رشید

راولپنڈی (92 نیوز) - سربراہ عوامی مسلم لیگ شیخ رشید کا کہنا ہے جنیوا میں سیلاب زدگان کی امداد کی بجائے شریف برادران اپنے سیاسی مستقبل کا فیصلہ کریں گے۔

اپنے ٹویٹ میں لکھا 9 جنوری سے کاؤنٹ ڈاؤن شروع اور اپریل میں ختم ہو جائے گا۔ فالودے، پاپڑ والوں کے نام سے لوٹنے والے اب سندھ موٹروے پر اپاہجوں کے شناختی کارڈ پر لوٹ رہے ہیں۔

سپریم کورٹ میں ارشد شریف شہیدکاکیس جان پکڑگیاہےسپریم کورٹ نیب ترمیمی آرڈینس اوراورسیزووٹ پربھی عنقریب فیصلہ دےگی عمران خان صوبائی اسمبلیاں تحلیل کرےگاورنہ اپنےممبراسمبلیوں سےنکال لےگاحکمران اپنےفارن اکاونٹ قومی سلامتی کی خاطرپاکستان واپس لائیں آج3بجےلال حویلی میں خطاب کروں گا

— Sheikh Rashid Ahmed (@ShkhRasheed) January 6, 2023

شیخ رشید نے کہا کہ وزیرخارجہ اور وزیرداخلہ کے بیانات جلتی پر تیل ڈال رہے ہیں۔ سپریم کورٹ میں ارشد شریف شہید کا کیس جان پکڑ گیا ہے، سپریم کورٹ نیب ترمیمی آرڈیننس، اوورسیز ووٹ پر بھی عنقریب فیصلہ دے گی۔