Sunday, November 28, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

65 کی جنگ میں پاک فوج اور قوم دشمن کے سامنے مضبوط چٹان کی طرح ڈٹ گئی، صدر، وزیراعظم

65 کی جنگ میں پاک فوج اور قوم دشمن کے سامنے مضبوط چٹان کی طرح ڈٹ گئی، صدر، وزیراعظم
September 6, 2021 --- ویب ڈیسک

اسلام آباد (92 نیوز) صدر مملکت عارف علوی اور وزیراعظم عمران خان نے یوم دفاع پر پیغام میں کہا، 65 کی جنگ میں پاک فوج اور قوم دشمن کے سامنے مضبوط چٹان کی طرح ڈٹ گئی۔

صدرمملکت عارف علوی نے اپنے پیغام میں کہا، 65 کی جنگ میں افواج پاکستان نے دشمن کو ہر محاذ پر شکست دی۔

وزیراعظم عمران خان کا اپنے پیغام میں کہنا تھا، زندہ قومیں آزمائشوں سے گزر کر اور بھی زیادہ مضبوط ہوتی ہیں، شہداء اور انکی فیملیز کو کبھی نہیں بھولیں گے۔

اُنہوں نے کہا، 6 ستمبر کو بھارت نے غیراعلانیہ جنگ مسلط کی تو قوم وطن کے محافظوں کی حمایت میں اٹھ کھڑی ہوئی۔ بہت سے لوگ نہتے پیدل ہی سرحدوں کی جانب چل پڑے۔

اُن کا کہنا تھا کہ، بھارت مقبوضہ وادی میں مسلمانوں پر مظالم ڈھا رہا ہے۔ امن کا واحد راستہ مسئلہ کشمیر کا اقوام متحدہ کی قراردادوں کے مطابق حل ہے۔ ہندوستان کو کشمیریوں کو ان کا حق رائے دہی دینا پڑے گا۔