Thursday, March 28, 2024

51 فیصد آبادی نے مہنگائی کا ذمہ دار پی ڈی ایم حکومت کو قرار دے دیا، سروے

51 فیصد آبادی نے مہنگائی کا ذمہ دار پی ڈی ایم حکومت کو قرار دے دیا، سروے
November 14, 2022 ویب ڈیسک

اسلام آباد (92 نیوز) - پاکستان کی 51 فیصد آبادی مہنگائی سے پریشان، انسٹیٹیوٹ آف پبلک ریلیشن اینڈ ریسرچ کی جانب سے جاری کیے گئے تازہ سروے کے اعداد و شمار کے مطابق ملک کی 51 فیصد آبادی نے مہنگائی کا ذمہ دار پی ڈی ایم حکومت کو قرار دے دیا۔

ملک میں مہنگائی کا ذمہ دار کون؟ عوام نے سب بتا دیا، انسٹیٹیوٹ آف پبلک ریلیشن اینڈ ریسرچ کی جانب سے نیا سروے جاری کردیا۔

سروے کے مطابق 33 فیصد پاکستانی، پاکستان تحریک انصاف سے ناراض ہیں اور انہوں نے پی ٹی ئی کی سابقہ حکومت کو مہنگائی کا ذمہ دار ٹھہرایا۔ سروے میں 51 فیصد پاکستانیوں نے پی ڈی ایم حکومت کو مہنگائی کا ذمہ دار کہا۔

سروے میں ملک بھر سے 16 سو سے زائد افراد نے حصہ لیا، جو یکم نومبر سے 5 نومبر 2022 کے درمیان کیا گیا۔ 16 فیصد پاکستانیوں نے اس سوال کا کوئی جواب نہیں دیا کہ ملک میں مہنگائی کی ذمہ دار موجودہ حکومت یا پی ٹی آئی کی سابقہ حکومت۔