ہنگو کے علاقے ٹل میں فوجی چوکی پر دہشت گردوں کی فائرنگ، سپاہی شہید
راولپنڈی (92 نیوز) ہنگو کے علاقے ٹل میں فوجی چوکی پر دہشت گردوں نے فائرنگ کی۔ فائرنگ کے تبادلے میں سپاہی وقاص شہید ہو گئے۔
آئی ایس پی آر کے مطابق واقعہ رات گئے پیش آیا۔ پاک فوج نے جوابی کارروائی میں دہشت گردوں کا مؤثر انداز میں مقابلہ کیا۔
فائرنگ کے تبادلے میں سپاہی وقاص نے جام شہادت نوش کیا۔ علاقے میں کلیئرنس آپریشن جاری ہے۔