Thursday, October 21, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

وزیراعلی پنجاب کا بھکاری مافیا کی سرکوبی کےلیے خصوصی اسکواڈ تشکیل دینے کا حکم

وزیراعلی پنجاب کا بھکاری مافیا کی سرکوبی کےلیے خصوصی اسکواڈ تشکیل دینے کا حکم
October 12, 2021 --- ویب ڈیسک

لاہور (92 نیوز) وزیراعلی پنجاب عثمان بزدار نے بھکاری مافیا کی سرکوبی کےلیے خصوصی اسکواڈ تشکیل دینے کا حکم دے دیا۔

خصوصی اسکواڈ مرحلہ وار مختلف زونز میں بھکاری مافیا کے خلاف کارروائی کرے گا۔ اجلاس سے خطاب میں وزیراعلی عثمان بزدار نے کہا کہ خواجہ سراؤں کو بھی معاشرے کا مفید شہری بنائیں گے۔ منشیات کے عادی افراد کو ٹیکنیکل اور ووکیشنل تربیت دے کر اپنے پاؤں پر کھڑا کیا جائے گا۔

وزیراعلی کی زیر صدارت ایک اور اجلاس میں ڈیرہ غازی خان کے قبائلی علاقے کوہ سلیمان میں کوہ سلیمان پبلک سکولز آف ایکسیلینس (بوائز، گرلز) کے قیام کا اصولی فیصلہ کر لیا گیا۔ عثمان بزدارنے کوہ سلیمان پبلک سکولز آف ایکسیلینس (بوائز، گرلز) کے قیام کیلئے سفارشات کو جلد حتمی شکل دینے کی ہدایت کر دی۔ انفراسٹرکچر ڈویلپمنٹ اتھارٹی پنجاب اسکولز کا ماسٹر پلان تیار کرے گی۔

وزیراعلی عثمان بزدار سے رکن قومی اسمبلی ثنااللہ مستی خیل نے ملاقات کی۔ ثناء اللہ مستی خیل نے حلقے کے مسائل سے آگاہ کیا۔ وزیراعلی نے مسائل جلد حل کرانے کی یقین دہانی کرا دی۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔