Sunday, October 17, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

لاہور کے علاقہ جوہر ٹاؤن میں خاتون وکیل کو فائرنگ کر کے قتل کر دیا گیا

لاہور کے علاقہ جوہر ٹاؤن میں خاتون وکیل کو فائرنگ کر کے قتل کر دیا گیا
October 12, 2021 --- ویب ڈیسک

لاہور (92 نیوز) لاہور کے علاقہ جوہر ٹاؤن میں خاتون وکیل کو فائرنگ کر کے قتل کر دیا گیا۔ پولیس کے مطابق خاتون وکیل عقیلہ سبحانی کو 4 گولیاں لگیں۔

کار میں سوار ٹیکس وکیل سجاد قریشی کی اسسٹنٹ عقیلہ سبحانی اورنگزیب پر موٹرسائیکل سوار نے فائرنگ کر دی۔ گولیاں لگنے سے شدید زخمی خاتون اسپتال میں زخموں کی تاب نہ لاتے ہوئے چل بسی۔ لاش پوسٹمارٹم کیلئے مردہ خانے منتقل کر دی گئی۔ پولیس کی بھاری نفری بھی مردہ خانے کے باہر پہنچ گئی۔

وکیل سجاد قریشی نے پولیس کو ابتدائی بیان دیا کہ روزانہ اپنی اسسٹنٹ عقیلہ سبحانی کو گھر سے پک اینڈ ڈراپ کرتا تھا۔ صبح گھر سے لینے گیا تو ایک موٹرسائیکل سوار سامنے آ گیا اور فائرنگ کر دی۔

ایس پی صدر حمزہ امان نے بتایا کہ خاتون پر نائن ایم ایم پسٹل سے فائرنگ کی گئی۔ مقتولہ کے خاوند اورنگزیب نے بتایا کہ عقیلہ پر موٹرسائیکل سوار نے تین فائر کیے۔ سکیورٹی گارڈ محمد اسلم نے بتایا کہ 30 سالہ شخص دو دن سے ریکی کر رہا تھا۔

وزیراعلی پنجاب عثمان بزدار نے قتل کے واقعہ کا نوٹس لیتے ہوئے ملزموں کی جلد گرفتاری کا حکم دے دیا۔ انہوں نے پولیس حکام کو ہدایت کہ قتل میں ملوث ملزمان کو قانون کی گرفت میں لا کر مزید کارروائی کی جائے۔

سی سی پی او لاہورغلام محمود ڈوگر نے سیف سٹی کیمروں کی مدد سے ملزموں کی فوری گرفتاری کا حکم دے دیا۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔