Thursday, October 21, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

محسن پاکستان ایٹمی سائنسدان ڈاکٹر عبدالقدیر خان ایچ ایٹ قبرستان میں سرکاری اعزاز کے ساتھ سپرد خاک

محسن پاکستان ایٹمی سائنسدان ڈاکٹر عبدالقدیر خان ایچ ایٹ قبرستان میں سرکاری اعزاز کے ساتھ سپرد خاک
October 10, 2021 --- ویب ڈیسک

اسلام اباد (92 نیوز) محسن پاکستان ایٹمی سائنسدان ڈاکٹر عبدالقدیر خان اسلام آباد کے ایچ ایٹ قبرستان میں سرکاری اعزاز کے ساتھ سپرد خاک کر دیئے گئے۔

ڈاکٹر عبدالقدیر خان کی نمازِجنازہ فیصل مسجد میں ادا کی گئی۔ پروفیسر ڈاکٹر احمد الغزالی نے نمازجنازہ پڑھائی۔ وفاقی وزرا، ارکان پارلیمنٹ، ملٹری حکام اور شہریوں کی بڑی تعداد نمازجنازہ میں شریک ہوئی۔ نمازجنازہ کے دوران ابر رحمت بھی برستا رہا۔

ڈاکٹر عبدالقدیر خان کو پھیپھڑوں میں تکلیف کے باعث اسپتال منتقل کیا گیا تھا۔ اسپتال ذرائع کے مطابق ان کا انتقال آج صبح 7 بجے کے قریب ہوا۔

ڈاکٹر عبدالقدیر 1936ء کو بھوپال میں پیدا ہوئے، نیوکلیئر فزکس میں اکیڈمک تعلیم حاصل کرنے والے ڈاکٹر عبدالقدیر خان کو پاکستانی ایٹمی پروگرام میں خدمات پر 2 بار نشان امتیاز سے نوازا گیا۔ ڈاکٹر عبدالقدیر خان کو 3 صدارتی ایوارڈ بھی ملے۔

ڈاکٹر عبدالقدیر نے ہالینڈ سے ماسٹرز آف سائنس، بیلجیئم سے ڈاکٹریٹ آف انجینئرنگ کی اسناد لیں۔ یورپی یونیورسٹیوں میں تعلیم کے بعد 1976ء میں پاکستان واپس آ گئے تھے۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔