Thursday, October 21, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

صدر عارف علوی نے دبئی ایکسپو میں پاکستانی پویلین کا افتتاح کردیا

صدر عارف علوی نے دبئی ایکسپو میں پاکستانی پویلین کا افتتاح کردیا
October 9, 2021 --- ویب ڈیسک

دبئی (92 نیوز) صدر مملکت ڈاکٹر عارف علوی نے دبئی ایکسپو میں پاکستانی پویلین کا افتتاح کردیا۔ پاکستانی پویلین کے مختلف حصے بھی دیکھے۔

سرمایہ کاری کانفرنس میں خطاب کرتے ہوئے کہا پاکستان میں مختلف شعبوں میں سرمایہ کاری کے وسیع مواقع ہیں، حکومت سرمایہ کاروں کو ون ونڈو آپریشن کے تحت سہولیات فراہم کررہی ہے۔ حکومت نے بزنس کمیونٹی کے لیے آسانیاں پیدا کرنے کے لیے اقدامات اٹھائے۔

اُن کا کہنا تھا پاکستان میں سیاحت کو فروغ دیا جارہا ہے، پاکستانی آئی ٹی برآمدات میں 50 فیصد اضافہ ہوا ہے۔ حکومت ڈیجیٹلائزیشن کی طرف بڑھ رہی ہے، ڈیجیٹلائزیشن کے ذریعے لوگوں کو بااختیار بنایا جا رہا ہے۔

اُنہوں نے کہا حکومت کی کوویڈ 19 سے نمٹنے کی اسمارٹ لاک ڈاؤن کی پالیسی کامیاب رہی۔ سرمایہ کار سیاحت سمیت مختلف شعبوں میں سرمایہ کاری کے مواقع سے فائدہ اٹھائیں۔

صدر عارف علوی نے کہا حکومت نئے دور کے چیلنجز سے نمٹنے کے لیے مکمل تیار ہے۔ پاکستانی یونیورسٹیز بہترین آئی ٹی گریجوایٹس، ڈاکٹرز اور انجنئیرز پیدا کررہی ہیں۔  بزنس کمیونٹی کو پاکستان میں سرمایہ کاری کے لیے خوش آمدید کہتے ہیں۔

اس سے قبل صدر عارف علوی کے 2 روزہ دورے پر دبئی پہنچنے پر متحدہ عرب امارات کے وزیرِ اِنصاف، عبداللہ بن سلطان بن عواد النعیمی، اور پاکستانی سفیر افضال محمود نے ایئر پورٹ پر صدر مملکت کا استقبال کیا۔ صدر عارف علوی متحدہ عرب امارات کی اعلیٰ قیادت سے ملاقات بھی کریں گے۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔