Monday, October 18, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

پاک فوج کی بہاولپور کور کے زیراہتمام آل پاکستان ٹرائی تھلون مقابلوں کا انعقاد 16 اکتوبر سے ہو گا

پاک فوج کی بہاولپور کور کے زیراہتمام آل پاکستان ٹرائی تھلون مقابلوں کا انعقاد 16 اکتوبر سے ہو گا
October 5, 2021 --- ویب ڈیسک

راولپنڈی (92 نیوز) پاک فوج کی بہاولپور کور کے زیراہتمام آل پاکستان ٹرائی تھلون مقابلوں کا انعقاد 16 اکتوبر سے ہو گا۔

آئی ایس پی آر کے مطابق دوسرا پاکستان ٹرائی تھلون 16 اکتوبرسے بہاولپور کور کے زیراہتمام شروع ہو گا۔ مقابلے 18 سال سے لے کر 45 سال کی عمر تک کے تمام شعبہ ہائے زندگی سے تعلق رکھنے والے افراد کے لئے ہیں۔ سول سوسائٹی، اساتذہ، طلبا، سرکاری ملازمین، پولیس، رینجرز اور آرمی اہلکار ایونٹ میں شرکت کریں گے۔

آئی ایس پی آر کے مطابق مقابلوں میں 3 ایونٹ ہوں گے۔ جن میں 300 میٹر تیراکی، 20 کلومیٹرسائیکلنگ اور 10 کلومیٹر کراس کنٹری دوڑ شامل ہے۔ شرکاء کو تینوں ایونٹس میں حصہ لینا ہو گا اور مقررہ وقت کے اندر مکمل کرنا ہو گا۔

آئی ایس پی آر کا کہنا ہے کہ ہر کیٹگری میں بہترین کارکردگی کے حامل افراد کو انعامات دیئے جائیں گے ۔ اس کا مقصد معاشرے میں کھیلوں کا فروغ اور نوجوانوں کو ایک دوسرے کے تجربات سے فائدہ اٹھانے کے مواقع فراہم کرنا ہے۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔