Saturday, October 16, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

انسداد دہشتگردی کی پاک چین مشترکہ مشق دو ہزار اکیس ختم

انسداد دہشتگردی کی پاک چین مشترکہ مشق دو ہزار اکیس ختم
October 5, 2021 --- ویب ڈیسک

راولپنڈی (92 نیوز) انسداد دہشتگردی کی پاک چین مشترکہ مشق دو ہزار اکیس ختم ہو گئی۔

پاکستان اور چین کے مابین مشترکہ انسداد دہشتگردی مشق کی اختتامی تقریب قومی انسداد دہشتگردی مرکز، پبی میں منعقد ہوئی جس کے مہمان خصوصی کمانڈر سینٹرل کمانڈ لیفٹیننٹ جنرل شاہین مظہر محمود تھے۔ یہ شنگھائی تعاون تنظیم کے علاقائی انسداد دہشتگردی دائرہ کار کے تحت پہلی فوجی مشق ہے۔

آئی ایس پی آر کے مطابق مشق دو مراحل پر مشتمل تھی۔ پہلا تربیتی مرحلہ متعلقہ تنظیمی رکن ممالک میں 26 تا 31 جولائی کو منعقد کیا گیا جبکہ مشق کا دوسرا مرحلہ پاکستان میں 21 ستمبر سے 4 اکتوبر تک جاری رہا۔ مشق میں ابھرتے خطرات کے خلاف استعداد کار بڑھانے، جدت، نئی ٹیکنالوجیز پر باہمی تجربات کا تبادلہ کیا گیا۔

فوجی دستوں نے دو ہفتوں کے دوران مشترکہ انسداد دہشتگردی آپریشنز کی مختلف ڈرلز کیں۔ دہشتگردی کے خلاف مشترکہ آپریشنز کی منصوبہ بندی سے لے کر عملدرای ، گھیراؤ اور تلاش، کمپاؤنڈ کلیئرنس، انتہائی قریب سے مقابلے کی ڈرلز بھی مشق کا حصہ تھیں۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔