کرپشن میں لتھڑے ن لیگیوں پر پنڈورا لیکس بجلی بن کر گری، فیاض چوہان
لاہور (92 نیوز) ترجمان حکومت پنجاب فیاض الحسن چوہان نے کہا سر تا پا کرپشن میں لتھڑے ن لیگیوں پر پنڈورا لیکس بجلی بن کر گری ہے۔
ن لیگی قیادت وقت سے پہلے دونوں ہاتھ اورایک ٹانگ اٹھا کر ہڈیاں ڈالنے اور الزام لگانے کی عادی ہے۔جب حقیقت کا ادراک ہوتا ہے تو رسوائی اور جگ ہنسائی ان کی قسمت میں لکھی جاتی ہے۔ حسب سابق عقل کی اندھی اور فہم کی لنگڑی ن لیگی قیادت وزیر اعظم @ImranKhanPTI کے بغض میں ایکپوز ہو گئی
فیاض الحسن چوہان نے ٹویٹ میں کہا وزیر اعظم کی آف شور کمپنیوں کا شور مچانے والوں کو ایک بار پھر منہ کی کھانا پڑی۔ لیگی قیادت وقت سے پہلے لڈیاں ڈالنے اور الزام لگانے کی عادی ہے، عقل کی اندھی ن لیگی قیادت بغض عمران خان میں پھر ایکسپوز ہو گئی۔
وزیراعظم@ImranKhanPTI کی آف شور کمپنیوں کاواویلا مچانے والی ن لیگی قیادت نار وال کے ارسطو احسن اقبال کو اب چلو بھر پانی لازمی تلاش کرنا چاہیے۔سر سےپاؤں تک کرپشن اور احتساب میں لتھڑے ن لیگیوں پر پنڈوڑہ لیکس مایوسی کی بجلی بن کرگری ہیں۔وزیر اعظم کیطرف سےتحقیقات کا اعلان خوش آئند ہے
— Fayaz ul Hassan Chohan (@Fayazchohanpti) October 4, 2021
انہوں نے اپنے پیغام میں کہا نارووال کے ارسطو احسن اقبال کو اب چلو بھر پانی لازمی تلاش کرنا چاہئے۔ ن لیگ نے پانامہ لیکس کے 7 ماہ بعد شدید ملک گیر احتجاج کے بعد تحقیقات شروع ہوئیں۔
فیاض الحسن کا مزید کہنا تھا وزیرِ اعظم عمران خان نے پنڈورا پیپرز کے فوراً بعد مکمل تحقیقات کا اعلان کیا ہے۔ کرپشن ثابت ہونے پر سب کو سزا دینے کا اعلان عمران خان کی دلیرانہ قیادت کی مثال ہے۔
