Monday, October 18, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

عمرشریف کی میت منگل تک جرمنی سے پاکستان پہنچنے کا امکان

عمرشریف کی میت منگل تک جرمنی سے پاکستان پہنچنے کا امکان
October 3, 2021 --- ویب ڈیسک

برلن (92 نیوز) کامیڈی کنگ عمرشریف کی میت جرمنی میں سردخانے میں رکھوا دی گئی۔ منگل تک پاکستان پہنچنے کا امکان ہے۔

معروف فنکار عمر شریف کی ان کی خواہش کے مطابق عبداللہ شاہ غازی قبرستان میں تدفین کے انتظامات کرلئے گئے۔

دوسری جانب سندھ حکومت نے کراچی میں شہید ملت روڈ پر انڈر پاس عمرشریف کے نام سے منسوب کرنے کا اعلان کردیا۔

اس سے قبل عمرشریف کے بیٹے جواد عمر کا میڈیا سے گفتگو میں کہنا تھا میرے والد کی خواہش تھی کہ تدفین عبداللہ شاہ غازی کے مزار کے احاطے میں ہو۔ مزید کہنا تھا کہ سعید غنی نے کنفرم کردیا ہے کہ انکی تدفین عبداللہ شاہ غازی کے مزار کے احاطے میں ہوگی۔ والد کی آخری خواہش کو پورا کرنے پر ممنون ہیں۔

مرحوم عمر شریف کی اہلیہ زرین غزل نے ویڈیو پیغام میں مداحوں سے اپیل کرتے ہوئے کہا عمر شریف کو دعاؤں میں یاد رکھیں تاکہ اللہ تعالی انکی آگے کی منازل کو آسان فرمائے۔ مزید کہا کہ وزیراعظم عمران خان اور صوبائی حکومت کی ممنون ہوں جنھوں نے عمر کے علاج کے حوالے سے بھرپور مدد اور تعاون کیا۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔