Wednesday, October 20, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

آٹھ شہروں میں مزارات کو مکمل طور پر کھولنے کی اجازت ہو گی، اسد عمر

آٹھ شہروں میں مزارات کو مکمل طور پر کھولنے کی اجازت ہو گی، اسد عمر
September 29, 2021 --- ویب ڈیسک

اسلام آباد (92 نیوز) سربراہ این سی او سی اسد عمر کا کہنا ہے آٹھ شہروں میں مزارات کو مکمل طور پر کھولنے کی اجازت ہو گی۔

این سی او سی کے سربراہ اسد عمر کی زیر صدارت اجلاس ہوا۔ اجلاس کے بعد معاون خصوصی برائے صحت کے ہمراہ مشترکہ پریس کانفرنس کرتے ہوئے اسد عمر نے کہا کہ 8 شہروں میں پابندیاں نرم کرنے کا فیصلہ کیا ہے ۔ اسلام آباد، راولپنڈی ،کوئٹہ اور پشاور میں پابندیاں نرم کی جارہی ہیں ۔ میر پور، مظفر آباد، گلگت اور اسکردو میں بھی پابندیاں نرم ہونگی۔ یکم اکتوبر سے جو پابندیاں لگائی جارہی ہیں وہ ویکسین نہ لگوانے والوں کے لیے ہوں گی۔

اسد عمر نے کہا کہ 8 شہروں میں یکم اکتوبر سے انڈور اجتماعات  میں 300 اور آوٹ ڈور اجتماعات میں 1000 لوگوں کو شرکت کی اجازت ہو گی ۔ مزارات مکمل طور پر کھولے جارہے ہیں ۔ 8 شہروں میں  پورے ہفتہ شادیوں کی اجازت ہو گی ۔ 40 فیصد سے کم ویکسی نیشن والےعلاقوں میں بندشیں لگائی جائیں گی۔ یکم اکتوبر سے  پروازوں  میں مسافروں کو کھانا فراہم کیا جائے گا ۔ کراچی ،لاہور، ملتان اور فیصل آباد میں پابندیاں 15 اکتوبر تک برقرار رہیں گی ۔ گوجرانوالہ ،حیدرآباد،سکھر ،بہالپور  میں بھی پابندیاں 15 اکتوبر تک برقرار رہیں گی۔

ڈاکٹر فیصل سلطان کا کہنا تھا کہ 12 سال سے کم عمر کے بچوں کے لیے بھی ویکسی نیشن ہو گی ۔ ویکسی نیشن مہم اچھی چل رہی  ہے  لیکن  شہریوں کی معاونت ضروری ہے ۔ حاملہ خواتین بھی کورونا ویکسین لگوا سکتی ہیں۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔