شاہ محمود کی امریکی ہم منصب سے ملاقات، افغانستان کی صورتحال پر تبادلہ خیال
نیویارک (92 نیوز) وزیر خارجہ شاہ محمود قریشی اور امریکی وزیرخارجہ انٹونی بلنکن کی نیویارک میں اہم ملاقات ہوئی، افغانستان کی موجودہ صورتحال اور مستقبل کی پالیسی پر تبادلہ خیال ہوا۔
شاہ محمود قریشی نے امریکی ہم منصب کو افغانستان پر پاکستان کے مؤقف سے آگاہ کیا، امریکی وزیرخارجہ نے افغانستان سے متعلق پاکستان کے کردار پر اعتماد کا اظہار کیا۔
وزیر خارجہ شاہ محمود قریشی نے کہا کہ پاکستان مزید افغان مہاجرین کا متحمل نہیں ہوسکتا، افغانستان میں کسی بھی انسانی المیے کو روکنے کیلئے متحرک ہے۔ پاکستان امریکا سے معاشی ، تجارتی تعلقات کے فروغ کا خواہشند ہے۔
