پاکستانی سعودی عرب کو اپنا دوسرا گھر سمجھتے ہیں، فواد چودھری

اسلام آباد (92 نیوز) وفاقی وزیراطلاعات فواد چودھری نے کہا، پاکستانی سعودی عرب کو اپنا دوسرا گھر سمجھتے ہیں۔

سعودی عرب کے 91ویں قومی دن سے متعلق سیمینار سے خطاب کرتے ہوئے انہوں نے کہا، دونوں ممالک کے تعلقات مذہبی اور تاریخی ہیں، آل سعود نے نئی مملکت کی بنیاد رکھی۔

فواد چودھری نے کہا، سعودی عرب کیساتھ دفاعی تعاون کی بھی ایک تاریخ ہے۔ عمران خان کا محمد بن سلمان کے ساتھ تعلقات کا نیا سفر شروع ہوا ہے۔ سعودی عرب کے ساتھ ہمارا دل کا رشتہ ہے، پاکستان کے ہر فرد کا دل مکہ اور مدینہ کے ساتھ دھڑکتا ہے۔