نیوزی لینڈ کرکٹ ٹیم کے دورہ منسوخی پر بات کو ختم کردینا چاہئے، شیخ رشید
اسلام آباد (92 نیوز) وزیرداخلہ شیخ رشید نے کہا نیوزی لینڈ کرکٹ ٹیم کے دورہ کی منسوخی، جو ہونا تھا ہوگیا، بات کو ختم کردینا چاہئے۔
شیخ رشید نے میڈیا سے گفتگو کرتے ہوئے کہا، بھارت کو پاکستان میں کرکٹ کا امیج بحال ہونا برداشت نہیں تھا، نیوزی لینڈ نے ٹیم کوخالی گراؤنڈ میں کھلانے کی پیشکش بھی نہیں مانی۔
انہوں نے مزید کہا کہ، نہیں معلوم انگلینڈ 48 گھنٹے بعد کیا فیصلہ کرے گا، پاکستان ان حالات سے نکل کر آگے بڑھے گا۔ بھارت 15 اگست سے پاکستان اور افغانستان میں پھنسا ہوا ہے۔
NewZealand team to cancel its tour of Pakistan on Security grounds is unfounded. US led NATO troops, IMF , World Bank and Diplomatic staff of Embassies in Kabul preferred Pakistan for evacuation.1/2#PakvsNz
— Sheikh Rashid Ahmed (@ShkhRasheed) September 18, 2021
اس سے قبل وزیرداخلہ نے اپنے ٹویٹ پیغام میں کہا کھیلوں کو قربانی کا بکرا نہ بنایا جائے۔ کہا کہ، نیوزی لینڈ کی ٹیم کا سکیورٹی کی بنا پر پاکستان کا دورہ منسوخ کرنا بے بنیاد ہے۔
شیخ رشید نے کہا، امریکی قیادت میں نیٹو افواج، آئی ایم ایف، ورلڈ بینک نے افغانستان سے انخلا کیلئے پاکستان کو ترجیح دی۔ اسلام آباد نے ہوٹلوں میں ان غیرملکیوں کی میزبانی کی۔