جوبائیڈن کی زیرصدارت کوآڈ ممالک کے رہنماؤں کی کانفرنس 24 ستمبرکو ہو گی
واشنگٹن (92 نیوز) امریکی صدر جوبائیڈن کی زیرصدارت کوآڈ ممالک کے رہنماؤں کی کانفرنس 24 ستمبر کو ہو گی۔
خبرایجنسی کے مطابق کانفرنس کا انعقاد چین کے بڑھتے ہوئے اثر و رسوخ کے پیش نظر کیا جا رہا ہے۔ بیجنگ سے درپیش خطرات اور کورونا وائرس سے نمٹنے کے اقدامات پر بھی بات ہو گی۔
امریکی عہدیدار کا کہنا ہے آسٹریلیا، انڈیا، جاپان اور امریکا کی یہ کانفرنس آئندہ ہفتے وائٹ ہاؤس میں ہو گی۔ سکاٹ مورسن، نریندر مودی ،یوشی ہیدی ساگا کی کانفرنس میں شرکت متوقع ہے۔