Saturday, September 18, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی
رجحان

افغانستان کے عبوری وزیراعظم ملا حسن اخوند کی سابق افغان حکومت کے اعلی حکام سے ملک واپس آنے کی اپیل

افغانستان کے عبوری وزیراعظم ملا حسن اخوند کی سابق افغان حکومت کے اعلی حکام سے ملک واپس آنے کی اپیل
September 9, 2021 --- ویب ڈیسک

کابل (92 نیوز) افغانستان کے عبوری وزیراعظم ملا حسن اخوند نے سابق افغان حکومت کے اعلی حکام سے ملک واپس آنے کی اپیل کر دی۔

الجزیرہ کو انٹرویو میں انہوں نے کہا سفیروں، سفارتخانوں اور انسانی امداد کی تنظیموں کی سکیورٹی یقینی بنائیں گے۔ طالبان رہنماوں پر افغان لوگوں کیلئے بڑی ذمہ داری ہے اور ان کا امتحان ہے۔ ہم نے اس دن کیلئے بھاری جانی اور مالی نقصان اٹھایا ہے۔ قتل و غارت اور افغانستان کے لوگوں سے نفرت کا وقت ختم ہو چکا ہے۔ ہم نے اس کیلئے بڑی قربانیاں دی ہیں۔ جنہوں نے امریکا کیلئے کام کیا یا 2001 کے حملے بعد کی انتظامیہ کے ساتھ کام کیا کیلئے بھی معافی ہے۔

ملا حسن اخوند نے کہا کوئی یہ ثابت نہیں کر سکے گا کہ اس سے بدلہ لیا گیا۔ کسی کو اس کے ماضی کے ایکشنز پر نقصان نہیں پہنچایا گیا۔ طالبان ایک منظم موومنٹ ہے اور اپنے گن مینوں پر مکمل کنٹرول ہے۔ اسلامی دنیا، خاص کر افغان عوام کو یقین دلاتا ہوں کہ ہم صرف اچھائی، کامیابی چاہتے ہیں۔ ملک میں اسلام نظام کا نفاذ چاہتے ہیں۔ دعوت دیتے ہیں کہ ہر ایک ہمارا ساتھ دے۔

We will never bother you as we have advance notification system for the latest news and updates. You will see a button at bottom of page to disable anytime.