Friday, September 17, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی
رجحان

نور مقدم قتل کیس سیشن جج نے ایڈیشنل سیشن جج عطا ربانی کے پاس ٹرانسفر کر دیا

نور مقدم قتل کیس سیشن جج نے ایڈیشنل سیشن جج عطا ربانی کے پاس ٹرانسفر کر دیا
September 9, 2021 --- ویب ڈیسک

اسلام آباد (92 نیوز) نور مقدم قتل کیس سیشن جج نے ایڈیشنل سیشن جج عطا ربانی کے پاس ٹرانسفر کر دیا۔ مرکزی ملزم ظاہر جعفر ، تمام ملزموں کا ٹرائل اب ایڈیشنل سیشن جج عطا ربانی کرینگے۔

ڈسٹرکٹ سیشن کورٹ اسلام آباد میں ایڈیشنل سیشن جج عطاء ربانی نے نور مقدم قتل کیس کی سماعت کی ۔ مرکزی ملزم ظاہر جعفر ، والدین اور تین دیگر ملزمان کو عدالت کے روبرو پیش کیا گیا ۔

دوران سماعت  عدالت کو بتایا کہ تھراپی ورکس کے چھ دیگر ملزمان ضمانت پر ہیں، عدالت انہیں نوٹس دے کر طلب کرے ۔ ایڈیشنل سیشن جج عطا ربانی نے کہا کہ جو ملزمان رہ گئے ہیں ان کو آئندہ سماعت پر حاضری کے لیے بلا رہےہیں ۔ عدالت نے ان کیمرہ سماعت کے حوالے سے قرار دیا کہ جب درخواست آئے گی تو قانون کے مطابق دیکھ لیں گے۔

عدالت نے مرکزی ملزم ظاہر جعفر سمیت تمام ملزمان کے جوڈیشیل ریمانڈ میں توسیع کرتے ہوئے 23 ستمبر کو دوبارہ پیش ہونے کا حکم دے دیا ۔ قرار دیا کہ آئندہ سماعت پر تمام ملزمان کی حاضری کے بعد چالان کی کاپیاں تقسیم ہوں گی۔

عدالت نے آئندہ سماعت میں تھراپی ورکس کے چھ ملزمان کو بھی پیش ہونے کا حکم دیا ۔ کیس کی سماعت 23 ستمبر تک ملتوی کر دی گئی۔

We will never bother you as we have advance notification system for the latest news and updates. You will see a button at bottom of page to disable anytime.