Saturday, September 18, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی
رجحان

راولپنڈی میں نایاب نسل کے ہرن کا خونخوار کتوں سے شکار

راولپنڈی میں نایاب نسل کے ہرن کا خونخوار کتوں سے شکار
September 4, 2021 --- ویب ڈیسک

راولپنڈی (92 نیوز) راولپنڈی میں نایاب نسل کے ہرن کا خونخوار کتوں کے ذریعے شکار، کتوں نے ہرن کوبھنبھوڑ ڈالا۔ شکاریوں نے بعد میں ہرن کا گوشت تقسیم کیا۔ محکمہ وائلڈ لائف نے شکاریوں کی شناخت کر لی۔

راولپنڈی کے نواحی علاقے چونترہ میں نایاب نسل کے ہرن کا خونخوار کتوں کے ذریعے شکار کیا گیا۔ شکاریوں نے ہرن کو کچھ دیر تک رسی سے بھی باندھے رکھا۔ نایاب نسل کے ہرن کو کتوں نے شدید زخمی کردیا۔ شکاریوں نے بعد میں ہرن کا گوشت تقسیم کردیا۔

محکمہ وائلڈ لائف حکام کا کہنا ہے نایاب نسل کا ہرن ہوگ ڈیئر دریائے سندھ کے کنارے پایا جاتا ہے۔ واقعہ چند دن پرانا ہے ہرن روات کی سوسائٹی میں ایک شہری کا پالتو تھا۔

وائلڈ لائف حکام کے مطابق ایک شخص نے پانچ ہرن پال رکھے تھے جس کا لائسنس بھی موجود ہے۔ شفٹنگ کے دوران یہ لاپتہ ہو گیا تھا اور یہ وہی ہرن ہے۔ شکاریوں کی شناخت کر لی گئی ہے، پولیس کے ذریعے ان کے خلاف کارروائی ہوگی۔

We will never bother you as we have advance notification system for the latest news and updates. You will see a button at bottom of page to disable anytime.