بلوچستان کے پہلے وزیراعلیٰ سردار عطاءاللہ مینگل وڈھ میں سپردخاک
کوئٹہ (92 نیوز) بلوچستان کے پہلے وزیراعلیٰ سردار عطاءاللہ مینگل کو وڈھ میں سپردخاک کردیا گیا، آبائی علاقے میں نماز جنازہ ادا کی گئی۔
نماز جنازہ جمعیت علماء اسلام کے معروف عالم دین مولانا عبدالکبیر نے پڑھائی۔ جس میں اہم شخصیات سمیت ہزاروں افراد نے شرکت کی۔
سردار عطاء اللہ مینگل گزشتہ روز علالت کے بعد کراچی کے اسپتال میں انتقال کرگئے تھے۔ سردار عطاءاللہ مینگل کو بلوچستان کے پہلے وزیراعلیٰ کا بھی اعزاز حاصل ہے۔
