Thursday, October 21, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

سپریم کورٹ نے سابق ایس ایس پی پولیس مفخر عدیل کی درخواست ضمانت خارج کر دی

سپریم کورٹ نے سابق ایس ایس پی پولیس مفخر عدیل کی درخواست ضمانت خارج کر دی
August 31, 2021 --- ویب ڈیسک

اسلام آباد (92 نیوز) سپریم کورٹ نے سابق ایس ایس پی پولیس مفخر عدیل کی درخواست ضمانت خارج کر دی۔

جسٹس اعجاز الاحسن کی سربراہی میں تین رکنی بینچ نے سابق ایس ایس پی پولیس مفخرعدیل کی درخواست ضمانت ‏پرسماعت کی۔ مدعی کے وکیل اعظم نذیرتارڑ نے کہا کہ بہت ہی خوفناک انداز میں قتل کیا گیا۔ ملزم کے وکیل نے کہا کہ کیس ‏میں 32 گواہان ہیں ابھی تک 13 ہی ہوں گے۔

جسٹس قاضی امین نے ریمارکس دیے کہ گواہان نہ بھی ہوں تب بھی ملزم کے ‏خلاف ٹھوس شواہد ہیں۔ اب گواہیوں والا دور گیا، سزا دلوانے کیلئے  فرانزک رپورٹس ہی کافی ہیں۔ جسٹس اعجازالاحسن نے ریمارکس دیے کہ ملزم پی ایس پی افسر تھا۔ قتل کے بعد بھاگ بھی گیا۔

وکیل نے کہا کہ ملزم بھاگا ‏نہیں گلگت بلتستان میں ڈیوٹی دے رہا تھا۔ مدعی کےوکیل نے بتایا کہ ملزم کا ٹیلی فون لوکیشن ،تیزاب کا خریدنا ہر چیز ثابت شدہ ‏ہے۔ ملزم کے وکیل نے کہا کہ ایک سال سے کیس میں کوئی پیش رفت نہیں ہوئی۔

جسٹس اعجازالاحسن نے ریمارکس دیے کہ ‏درخواست واپس لے لیں، ہم پیش رفت کی ہدایت کر دیتے ہیں جس پر ملزم کے وکیل نے درخواست ضمانت واپس لے لی۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔