لاہور سمیت پنجاب کے 11 اضلاع میں لاک ڈاؤن نافذ
لاہور (92 نیوز) لاہور سمیت پنجاب کے 11 اضلاع میں لاک ڈاؤن نافذ کر دیا گیا۔
لاک ڈاؤن میں لاہور، راولپنڈی، فیصل آباد، ملتان، خانیوال، میانوالی، سرگودھا، خوشاب ، بہاولپور، گوجرانوالہ اور رحیم یار خان شامل ہیں۔
آج سے 15 ستمبر تک ایس او پیز پر سختی سے عمل کرایا جائے گا۔ مارکیٹیں رات 8 تک کھلیں گی۔ ہفتہ اور اتوار کو چھٹی ہو گی۔ ان ڈور شادی پر پابندی، آؤٹ ڈور میں 300 مہمانوں کی اجازت ہو گی۔ ان ڈور ڈائننگ بند، آؤٹ ڈور ڈائننگ بھی رات 10 تک ہو گی۔