امریکی انخلا میں تاخیر پر نتائج کے ذمہ دار صدر بائیڈن ہونگے، افغان طالبان

کابل (92 نیوز) افغان طالبان کے ترجمان سہیل شاہین نے کہا، امریکا نے انخلا میں تاخیر کی تو نتائج کے ذمہ دار امریکی صدر بائیڈن ہونگے۔

ترجمان افغان طالبان سہیل شاہین نے برطانوی ٹی وی کو انٹرویو دیتے ہوئے کہا، امریکا کو 31 اگست تک افغانستان سے فورسز کا انخلا یقینی بنانا ہو گا۔

اُنہوں نے مزید کہا، انخلا میں توسیع کا مطلب یہ ہوگا کہ امریکا افغانستان پر قبضہ برقرار رکھنا چاہتا ہے۔ امریکا معاہدے پر پوراترے، انخلا میں تاخیرکا کوئی جواز نہیں ہے۔