سانحہ ماڈل ٹاؤن کیس کو سیشن عدالت منتقل کرنے کی درخواست مسترد
لاہور (92 نیوز) لاہور کی انسداد دہشت گردی عدالت نے سانحہ ماڈل ٹاؤن کیس کو سیشن عدالت منتقل کرنے کی درخواست مسترد کر دی۔
دوران سماعت درخواست گزار نے موقف اپنایا سپریم کورٹ کے فیصلے کے بعد انسداد دہشت گردی کی دفعات عائد نہیں ہوتیں۔ پولیس اپنے فرائض کی ادائیگی کے لیے ماڈل ٹاؤن پہنچی تھی۔ ماڈل ٹاؤن میں کسی قسم کی کوئی دہشتگردی نہیں ہوئی۔ عدالت انسداد دہشت گردی کی دفعات ختم کر کے کیس کو سیشن عدالت منتقل کرنے کا حکم دے۔
عدالت نے درخواست گزار کے وکیل کے پیش نہ ہونے پر درخواست خارج کی۔