سربراہ پاک بحریہ کو متحدہ عرب امارات کے اعلیٰ فوجی اعزاز سے نوازا گیا
اسلام آباد (92 نیوز) امیرالبحر ایڈمرل محمدامجد خان نیازی کو متحدہ عرب امارات کے اعلیٰ عسکری اعزاز سے نوازا گیا۔
ایوارڈ تفویض کی پروقار تقریب کا انعقاد متحدہ امارات کے سفارتخانے میں کیا گیا۔
سربراہ پاک بحریہ کو یہ تمغہ متحدہ عرب امارات کی مسلح افواج کے ڈپٹی سپریم کمانڈر شیخ محمد بن زاید النہیان کی جانب سے، ان کی شاندار پیشہ ورانہ خدمات اور دونوں برادر ممالک کے درمیان دوطرفہ تعلقات اور تعاون کو بڑھانے کی کوششوں کے اعتراف میں دیا گیا۔
ایڈمرل محمد امجد خان نیازی یہ میڈل حاصل کرنے والے پہلے نیول چیف ہیں۔
