شمالی وزیرستان، دہشتگردوں کی فوجی چوکی پر فائرنگ، نائیک غلام مصطفیٰ شہید
راولپنڈی (92 نیوز) شمالی وزیرستان کے علاقے غاریوم میں دہشتگردوں نے فوجی چوکی پر فائرنگ کردی، آئی ایس پی آر کے مطابق فائرنگ کے تبادلے میں نائیک غلام مصطفیٰ شہید ہوگئے۔
ڈی جی آئی ایس پی آر کے مطابق دہشت گردوں نے شمالی وزیرستان کے علاقے غاریوم میں فوجی چوکی پر فائرنگ کردی۔ پاک فورسز کی جانب سے دہشت گردوں کے خلاف بھرپور جوابی کارروائی کی گئی۔
ترجمان پاک فوج کے مطابق دہشت گردوں کے ساتھ فائرنگ کے تبادلے میں نائیک غلام مصطفیٰ شہید ہوگئے، ان کی عمر 37 سال اور تعلق مظفرآباد سے تھا۔
آئی ایس پی آر کے مطابق دہشت گردوں کے مکمل خاتمے کے لیے علاقے میں آپریشن جاری ہے۔
