نوازشریف کو باہر بھیجنا خطرناک تھا، فواد چودھری

اسلام آباد (92 نیوز) وفاقی وزیراطلاعات فواد چودھری کہتے ہیں، نوازشریف کو باہر بھیجنا خطرناک تھا، ایسے لوگ عالمی سازشوں میں مددگار بن جاتے ہیں۔

نواز شریف کو پاکستان سےباہر بھیجنا اس لئے خطرناک تھا کہ ایسے لوگ بین الاقوامی سازشوں میں مددگار بن جاتے ہیں نواز شریف کی افغانستان میں RAW کے سب سے بڑے حلیف حمداللہ محب سے ملاقات ایسی ہی کاروائ کی مثال ہے، مودی ، محب یا امراللہ صالح ہر پاکستان دشمن نواز شریف کا قریبی دوست ہے

— Ch Fawad Hussain (@fawadchaudhry) July 24, 2021

فواد چودھری اپنے ٹویٹ پیغام میں کہتے ہیں، مودی، محب یا امراللہ صالح، ہر پاکستان دشمن نواز شریف کا قریبی دوست ہے۔

ادھر وزیرتوانائی حماد اظہر بولے پاک وطن کے بارے نازیبا الفاظ کہنے والوں کو جنھوں نے ڈرائنگ روم میں بٹھایا، انھیں جلد عوام سے کرارا جواب ملنے والا ہے۔

معاون خصوصی شہبازگل نے کہا میاں محب مودی ملاقات کشمیر کے الیکشن کو متنازعہ دکھانے کے منافقانہ ایجنڈے پر ہوئی۔