دنیا کو مل کر کورونا کو شکست دینا ہو گی ، منیر اکرم

اسلام آباد (92 نیوز) اقوام متحدہ میں مستقل مندوب منیر اکرم کا کہنا ہے دنیا کو مل کر کورونا کو شکست دینا ہو گی۔

منیر اکرم نے کہا ہم نے مختلف جغرافیوں اور ترقی کے مختلف سطحوں پر 42 ممالک کے رضاکارانہ قومی جائزوں پر غور کیا ۔ جب تک کہ ریاستیں انفرادی طور پر اور مشترکہ طور پر ہنگامی اقدامات نہیں اٹھائیں گی تب تک ہم بڑے پیمانے پر 17 ایس ڈی جی کو حاصل کرنے میں ناکام رہیں گے۔ ان اقدامات کو عملی جامہ پہنانے کے لئے ہمیں اپنی حکومتوں اور دیگر اسٹیک ہولڈرز کو ساتھ لینے کی ضرورت ہے۔

 منیر اکرم کا کہنا تھا جب تک ہر شخص محفوظ نہیں ہو گا اس وقت تک دنیا محفوظ نہیں ہو گی۔ وبا کے خاتمے تک عالمی معیشت ٹھیک نہیں ہو گی۔ کوویڈ ۔19 ویکسین عالمی سطح پر جلد از جلد ہر جگہ دستیاب کر دی جانی چاہئے۔ دولت مند ممالک نے بحالی کے لئے بڑے پیمانے پر کام کیا ہے۔ ترقی پذیر ممالک کہیں بھی ایسا کرنے کے ذرائع تلاش کرنے کے قریب نہیں ہیں۔ بحران کے تمام پہلوؤں کو حل کرنے کے لئے ایک عالمی مقصد کے طور پر فنانس کو متحرک کرنا ہو گا۔ غربت اور فاقہ کشی کو معاشرتی تحفظ کے پروگراموں کے ذریعہ غریب لوگوں اور غریب ترین ممالک کے لئے مراعات فراہم کرنے کے حل کو سامنے لایا جانا چاہئے۔ اقوام متحدہ کو باہمی تعاون کے طریقہ کار کو اپنانے کے لئے طاقتور ممالک پر دباؤ ڈالنا چاہئے۔