سعودی خواتین بغیر محرم کے حج کیلئے رجسٹریشن کرا سکتی ہیں ، سعودی حکومت

ریاض (92 نیوز) سعودی حکومت نے بڑا اعلان کرتے ہوئے کہا سعودی خواتین بغیر محرم کے حج کیلئے رجسٹریشن کرا سکتی ہیں۔

حج کیلئے رجسٹریشن 23 جون تک جاری رہے گی۔ رواں سال بھی محدود پیمانے پر حج ہو گا۔ سعودی شہری اور مملکت میں موجود غیر ملکی حج کی سعادت حاصل کر سکیں گے۔

سعودی حکومت نے حج کیلئے تین پیکجز کا اعلان کیا ہے جن کے اخراجات مختلف ہیں۔ زائرین کو بسوں کی صورت میں مقدس مقامات پر لے جایا جائے گا۔ ہر بس میں 20 زائرین شامل ہوں گے۔