پرویز الہٰی نے چودھری نثار کی حلف برداری کی راہ میں رکاوٹ بننے کا تاثر مسترد کردیا

لاہور (92 نیوز) اسپیکر پنجاب اسمبلی چودھری پرویز الہٰی نے چودھری نثار کی حلف برداری کی راہ میں رکاوٹ بننے کا تاثر مسترد کردیا۔

92 نیوز کے پروگرام مقابل کے سینئر تجزیہ کار ہارون الرشید سے چودھری پرویز الہٰی کی گفتگو ہوئی، جس میں اُنہوں نے کہا کہ چودھری نثار کے حلف اٹھانے سے متعلق ان کے قریبی حلقوں کے دعوے درست نہیں۔ چودھری نثار نے خود اپنی حلف برداری کو ملتوی کیا اور ٹھیک طرح ہینڈل نہیں کیا۔

واضح رہے کہ چودھری نثار آج پنجاب اسمبلی کی رکنیت کا حلف اٹھائیں گے۔