ریلوے کو پاکستان کی امانت کے طور پر آگے بڑھانا ہے، اعظم سواتی
اسلام آباد (92 نیوز) وزیرریلوے اعظم سواتی کا کہنا ہے ریلوے کو پاکستان کی امانت کے طور پر آگے بڑھانا ہے۔ ادارے میں کالی بھیڑوں کو چن چن کر نشان عبرت بنائیں گے۔
اتوار کے روز اسلام آباد میں سفاری ٹرین کے افتتاح کے موقع پر گفتگو کرتے ہوئے وفاقی وزیر بولے کہ دنیا ریلوے کے ذریعے معیشت کو چلا رہی ہے اور ہم ٹرانسپورٹ پر لگے ہوئے ہیں، ریلوے سے کرپشن کا خاتمہ اولین ترجیح ہے۔
اُنہوں نے مزید کہا ریلوے سیاحت میں بہت بڑا کردار ادا کرے گا، ریلوے ملازمین کو ایمانداری سے ادارے کی ترقی میں کردار ادا کرنا ہوگا۔
