وزیر خارجہ شاہ محمود کا امریکی ہم منصب سے ٹیلیفونک رابطہ، عہدہ سنبھالنے پر مبارکباد دی
اسلام آباد (92 نیوز) وزیرخارجہ شاہ محمود قریشی نے امریکی وزیر خارجہ سے ٹیلیفون پر رابطہ کیا، شاہ محمود نے امریکی ہم منصب انتھونی بلنکن کو عہدہ سنبھالنے پر مبارکباد دی۔
اس موقع پر شاہ محمود قریشی نے کہا امریکا کے ساتھ جامع شراکت داری کیلئے پرعزم ہیں، دونوں ممالک مذاکرات کے ذریعے افغان مسئلے کے سیاسی حل کے متمنی ہیں۔
امریکی وزیر خارجہ انتھونی بلنکن نے دہشت گردی کیخلاف جنگ میں پاکستان کی قربانیوں کو سراہا۔
