بھارتی ریاست ہریانہ میں کسانوں اور پولیس میں جھڑپیں، مظاہرین پر لاٹھی چارج
ریاست ہریانہ کے ضلع شنگھو میں کسانوں کے مظاہرے کے جواب میں پولیس کی حمایت میں مظاہرہ کروادیا گیا۔
کسانوں نے حکومت کے خلاف تو دوسرے گروپ نے پولیس کے حق میں نعرے لگانا شروع کردیئے، نعرے بازی کے دوران فریقین گتھم گتھا ہوگئے اور ایک دوسرے پر چڑھ دوڑے۔
مظاہرین کو منتشرکرنے کے لیے پولیس آئی تو اس نے آنسوگیس کے شیل برسادئیے اور لاٹھی چارج بھی کیا۔
صورتحال کی سنگینی کو دیکھتے ہوئے ریاستی حکومت نے ریاست کے 22 اضلاع میں سے 15 میں موبائل سروس معطل کردی۔ حکام کے مطابق موبائل سروس آج شام پانچ بجے تک بند رہے گی۔