پشاور میں ایف آئی اے کی کارروائی، حج اسکینڈل میں ملوث اہم ملزم گرفتار

پشاور (92 نیوز) پشاور میں ایف آئی اے نے کارروائی کرتے ہوئے حج اسکینڈل میں ملوث اہم ملزم گرفتار کرلیے۔

سال 2019 کے حج اسیکنڈل میں پرائیویٹ حج ٹور آپریٹر ملزم شاہد علی نے 190 افراد کو حج پر بھجوانے کے لیے کروڑوں روپے وصول کیے تھے۔ ملزم حج کے ایام میں دفتر بند کرکے غائب ہوگیا تھا۔

ایف آئی اے اور مقامی پولیس نے حیات آباد فیز 6 میں گھر پر چھاپہ مار کر ملزم کو گرفتار کیا۔

ملزم نے اعترافِ جرم کرتے ہوئے بتایا کہ حاجیوں سے رقم لے کر حامد کمال نامی ٹریول آپریٹر کے اکاؤنٹ میں جمع کرائی تھی۔

پرائیویٹ ٹور آپریٹر ملزم شاہد اور اس کے ساتھیوں کے خلاف ایف آئی آر انسداد انسانی اسمگلنگ سرکل میں 9 ایف آئی آر درج ہوئی تھیں۔