Saturday, October 16, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

ایک وعدہ“

ایک  وعدہ“
January 1, 2021

سُنیے“۔۔۔۔ جی ہاں آپ!

آپ      سے     کچھ     کہنا      ہے!

آج   آپ   لوگوں  کو   میری    بات   سننی    ہی    ہو  گی!

 کب  تک۔۔۔؟    آخر   کب   تک؟؟

  برداشت    کی    بھی    کوئی    حد     ہوتی     ہے!

گزشتہ   کئی    سالوں    سے    میں   بہت    تکلیف    میں     ہوں۔۔۔!!

کبھی  بم  دھماکوں  کی آوازیں  آتی  ہیں،،   تو  کبھی  خونِ  ناحق  کی  چھینٹیں  میرے  وجود  پر  اپنے  نشان  چھوڑ  جاتی  ہیں،،   بیروزگاری‘  نے  خودکشُی  اور  ناانصافی  نے  نفرتوں  کو    جنم  دیا،،  مجھ  میں  بسنے  والے   غریب  بچے  معیاری  تعلیم  حاصل  نہیں  کر  پا  رہے  کیونکہ  اُس  تک  رسائی  تو  چند  مخصوص  طبقات  کو  ہی  حاصل  ہے،،  اقرباء  پروری  اور  لوُٹ مار  کا  بازار  گرم  ہے،،  عدل وانصاف  ناپید  جبکہ  ظلم وزیادتی  کا   عروج   ہے،،

   ابھی  کل   ہی   کی   بات   ہے ۔۔۔۔“

   وہ       آٹھ       لوگ       تھے،،  

  پہلے  بدتمیزی،   پھر  گالیاں،  اور  بعد  میں  ایک  دوسرے  کو  مارنے  پیٹنے  لگے،،

      وجہ۔۔۔!! 

  وجہ  محض  چند   غلط فہمیاں   تھیں،،   اور  کچھ   نہیں!

آخر  یہ ۔۔۔  یہ   سب   ہو  کیا   رہا   ہے؟؟

   شروع،  شروع  میں،،   میں  ایسا  نہیں  تھا!   لوگ  خوش  تھے  مجھے  حاصل  کر  کے،  اور  میں  بھی  شادوآباد  تھا،  معاملات  حد  درجے  اطمینان  بخش  تھے،  کہ  پھر۔۔۔  پھر  نہ  جانے  کیا  ہوا۔۔۔،،

  میری  خوشیوں  کو   نظر  لگ  گئی!! 

 اب  تو  نوبت  یہاں  تک  پہنچ  گئی  ہے  کہ  دشمن  مجھے  ختم  کرنے  کے  درپے  ہیں!   یا  کم  از  کم   میرے  وجود  کے  ایک   حصّے  کو  مجھ  سے  الگ  کر  کے،  اپنے  مذموم  مقاصد  میں  کامیابی  کے  خواہاں  ہیں!         

  لیکن  وہ  یہ  نہیں   جانتے!!  کہ  عزم و حوصلہ،   حبُ الوطنی،   جذبہ وجنوں،  خلوص واپنائیت،  نیک نیتی  اور  وفاداری،  یہ  سب  وہ  ہتھیار  ہیں  جو  میرے  ”تحفظ“  اور  ”بقا“  کے  ضامن  ہیں،  ان سب  کے  ہوتے،  کوئی  میرا  کچھ  نہیں  بگاڑ  سکتا،    مجھے    اپنے      محافظوں     پر     ناز     ہے!

  وعدہ  کریں۔۔۔“ 

نئے  سال  کے  پہلے  دن،  یہ  وعدہ  کریں  کہ  میری  موجودہ  تمام  تکلیفوں  اور  پریشانیوں  کو  ختم  کرنے  میں  آپ  میرا  ساتھ  دیں  گے،  میری  خوبصورتی  آپکی  مثبت  سوچ،،   میرا  امن وسکون  آپ  کی  آپسی  محبت،،  اور  میری  خوشحالی  آپ  کی  یکجہتی  سے  مشروط  ہے،،  مجھے  یقین  ہے،  آپ  کے  ”ساتھ“  سے  میں  اپنے  خوابوں  کو  ”سچ“  کر لوں  گا،،    جو     میں     نے     آپ     ہی     کے     لیے     دیکھے    ہیں!!

   تو    پھر    وعدہ ۔۔۔؟؟

   اچھا“  اب  آپ  لوگوں  کو  جانا  ہوگا ۔۔۔  آگے  بڑھنا  ہوگا۔۔۔  بہت  سے  ”کام“   ہونے    باقی  ہیں،

 آپ  سب  کو  میری  جانب  سے  نئے  سال  کی  آمد  بہت، بہت   مبارک  ہو!  

 پروردگار  آپ  کو  ہر  غم  سے  محفوظ،،  ہنستا  مسکراتا،  شاد و آباد  رکھے،   آمین،،

آپ کا   بہت   اپنا،،

پاکستان

(کاشف شمیم صدیقی کے قلم سے)

 

 

       

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔