شیخوپورہ میں مسافر بس اور ویگن میں تصادم، 13 افراد جاں بحق
ریسکیو ذرائع کے مطابق متعدد زخمیوں کی حالت تشویشناک ہے۔ تصادم کے بعد گاڑیوں میں آگ لگ گئی۔ مسافروں کی اموات جھلسنے کے باعث ہوئیں۔
وزیراعلیٰ پنجاب سردار عثمان بزدار نے شیخوپورہ کے قریب ٹریفک حادثے میں قیمتی انسانی جانوں کے ضیاع پر دکھ اور افسوس کا اظہار کیا۔وزیراعلیٰ عثمان بزدار نے جاں بحق افراد کے لواحقین سے دلی ہمدردی و اظہار تعزیت کیا اور زخمیوں کو علاج معالجے کی بہترین سہولتیں فراہم کرنے کی ہدایت کر دی۔ انہوں نے کہا انتظامی افسران اور منتخب نمائندے زخمیوں کو فراہم کی جانے والی طبی سہولتوں کی مانیٹرنگ کریں۔