بانو قدسیہ کی 92ویں سالگرہ ، گوگل کا خراج عقیدت

فیروز پور میں 28 نومبر1928 کو زمیندار گھرانے میں پیدا ہونے والی بانو قدسیہ کی شادی اردو ادب میں استاد کی حیثیت رکھنے والے اشفاق احمد سے ہوئی ۔بانو قدسیہ نے اردو اور پنجابی زبانوں میں ریڈیو  اور ٹیلی وژن کے لئے بہت سے ڈرامے لکھے ۔ان شہرہ آفاق ناول راجہ گدھ ہے جب کہ ان کے ڈرامے آدھی بات کو کلاسک کا درجہ حاصل ہے ۔

بانو قدسیہ کو 1983 میں حکومت پاکستان کی جانب سے ستارہ امتیاز دیا گیا ،2010 میں انہیں ہلال امتیاز سے نوازا گیا اور سال 2012 میں بانو قدسیہ کو کمال فن ایوارڈ ، 2016 میں اعزاز حیات یعنی لائف ٹائم اچیومنٹ ایوارڈ سے نوازا گیا۔

بانو قدسیہ 26 جنوری 2017 میں 88 سال کی عمرمیں خالق حقیقی سے جا ملیں ۔