صوابی میں جرگہ میں فائرنگ، 8 افراد ہلاک

صوابی کے علاقے چھوٹا لاہور میں اس وقت خون کی ہولی کھیلی گئی جبکہ جرگے کے دوران فائرنگ کر کے 8 افراد کو قتل کر دیا گیا۔ پولیس کے مطابق سابق ایم پی اے کے حجرے میں جائیداد کے تنازعے پر جرگہ ہو رہا تھا کہ اس دوران فریقین میں تلخ کلامی ہو گئی اور دونوں اطراف سے فائرنگ کی گئی۔

جاں  بحق ہونے والوں میں 5 کا تعلق ایک اور تین کا دوسرے فریق سے تھا، پولیس کے مطابق کسی نے تاحال دعویداری نہیں کی ہے اور نہ ہی ایف آئی آر درج ہو سکی ہے۔

جاں بحق افراد کی میتیں اسپتال منتقل کر دی گئی جس کے بعد اسے لواحقین کے حوالے کر دیا گیا،  ایک ہی علاقے میں بیک وقت 8 افراد کے قتل سے فضا سوگوار ہو گئی ہے۔