کراچی کے علاقے اورنگی ٹاؤن 4 نمبر میں کارخانے میں آتشزدگی ، تین افراد جاں بحق

اورنگی ٹاون نمبر چار میں کارخانے میں اچانک آگ بھڑک اٹھی۔ اطلاع ملنے پر فائربریگیڈ کی پہلے ایک گاڑی موقع پر پہنچی تاہم آگ کی شدت دیکھتے ہوئے مزید دو گاڑیوں کو طلب کیا گیا۔ اسی دوران کارخانے میں موجود تین افراد جھلس کر جاں بحق ہو گئے۔ جاں بحق افراد کی شناخت اکرم ، شاہد اور اسماعیل کے ناموں سے ہوئی۔

آگ لگنے سے لاکھوں روپے مالیت کا سامان خاکستر ہو گیا۔ فائربریگیڈ حکام نے دو گھنٹے کی جدوجہد کے بعد آگ پر قابو پایا۔ فوری طور پر آگ لگنے کی وجہ معلوم نہیں ہو سکی۔