کورونا وائرس کے وار جاری، مزید 34 زندگیوں کا چراغ گل کردیا
نیشنل کمانڈ اینڈ آپریشن سنٹر کے تازہ اعداد و شمار کےمطابق گذشتہ روز کورونا کے 2 ہزار 756 نئے کیسز رپورٹ ہوئے جبکہ 34 افراد جاں بحق ہوگئے ، اموات کی مجموعی تعداد 7 ہزار 696 ہو گئی ۔پاکستان میں اس وقت فعال کیسز کی تعداد 38 ہزار 348 تک پہنچ گئی، ترجمان کا کہنا ہے کہ صحتیاب ہونے والے مریضوں کی تعداد 3 لاکھ 30 ہزار 885 ہے ۔
ترجمان کا کہنا ہے ملک بھر میں کورونا وائرس کے مریضوں کی کل تعداد 3 لاکھ 76 ہزار 929 تک پہنچ گئی ، سندھ میں مریضوں کی تعداد ایک لاکھ 63 ہزار 329 ، پنجاب میں 1 لاکھ 14 ہزار 508 ، خیبرپختونخوا میں 44 ہزار 599 ، بلوچستان میں 16 ہزار 810 ، اسلام آباد میں 27 ہزار 18 ، آزاد جموں و کشمیر میں 6 ہزار 123 اور گلگت بلتستان میں 4 ہزار 542 ہے ۔
ترجمان کے مطابق گذشتہ روز 36 ہزار 929 افراد کے ٹیسٹ کیے گئے ، اب تک 52 لاکھ 16 ہزار 955 افراد کے ٹیسٹ کیے جا چکے ہیں، ملک بھر کے 763 اسپتالوں میں کورونا کے 2 ہزار 155 مریض زیر علاج ہیں۔